उपराष्ट्रपति यादवले जानकी मन्दिरमा गरे विशेष पूजा

जनकपुरधाम- उपराष्ट्रपति रामसहाय यादवले जनकपुरधामको जानकी मन्दिरमा विशेष पूजाअर्चना गरी प्रसाद ग्रहण गरेका छन् ।

उपराष्ट्रपति यादवलाई जानकी मन्दिरका उत्तराधिकारी महन्थ रामरोशन दास वैष्णवसहित साधुसन्तहरूले स्वागत गर्दै विशेष पूजाअर्चना गराएका थिए । उपराष्ट्रपति यादवलाई उत्तराधिकारी दासले मन्दिरकाे बारेमा संक्षिप्त रूपमा जानकारी समेत गराएका थिए ।

---

सिरहा जिल्लामा आयोजना हुने कार्यक्रममा सहभागी हुन जनकपुरधाम हुँदै गइरहेका बेला जानकी मन्दिरमा पुगेर उनले विशेष पूजाअर्चना गरेका हुन् । 

उपराष्ट्रपति यादवकाे स्वागतका लागि मन्दिरका प्रदेश प्रमुख हरिशंकर मिश्र, मधेश प्रदेश सरकारका सामाजिक विकासमन्त्री सुरिताकुमारी साह, प्रदेशसभाका सदस्य रामअशिष यादव, धनुषा जिल्लाका प्रमुख जिल्ला अधिकारी काशीराज दाहाल अन्य सुरक्षा निकायका प्रमुखहरू पुगेका थिए । 
.