महाधिवेशन तयारीमा जुट्याे एकीकृत समाजवादी

जनकपुर । नेकपा एकीकृत समाजवादीका सम्मानित नेता झलनाथ खनालले पार्टी महाधिवेशनको तयारीमा लागेको बताएका छन् । 

जनकपुर विमानस्थलमा पत्रकारहरूसँग कुराकानी गर्दै नेकपा एसका नेता खनालले त्यसकारण कुनै पार्टीसँग तत्काल एकता हुन नसक्नेसमेत जनाएका छन् ।

---

‘हामी महाधिवेशन गर्ने दिशामा अघि बढदैछौं, अहिले कुनै पार्टीसँग एकीकरण गर्ने कुनै सम्भावना नै छैन,’ खनालले सञ्चारकर्मीसँग भने, ‘तर, साझा सवालमा मिलेर जाने सवालमा हाम्रो पार्टी तयार छ ।’ 

पूर्व प्रधानमन्त्रीसमेत रहेका खनालले पुष्पकमल दाहाल प्रचण्ड नेतृत्वको सरकार आठौं पटक विस्तार हुँदा पनि पूर्णता पाउन नसकेकोमा चिन्ता व्यक्त गरे ।  ‘अब नवौं पटकमा पूर्णता पाउला भन्ने अपेक्षा गरौं’ उनले भने ।