सांसद कोइरीले संसद् सचिवालयलाई पत्र लेखेर भने : अस्वस्थ छु

काठमाडौँ- नेकपा एमालेका सांसद लक्ष्मी महतो कोइरीले आफू अस्वस्थ भएको भन्दै संसद् सचिवालयलाई पत्र लेखेका छन् । लगातार १० वटा बैठकसम्म बिनासूचना अनुपस्थित रहे सभामुखले सांसद पदबाट पदमुक्त गर्न सक्ने व्यवस्था छ ।

महतो १० वटाभन्दा बढी बैठकमा अनुपस्थित भइसकेका छन् । यसैबीच उनले आफू अस्वस्थ रहेको भन्दै संसद्लाई पत्र पठाएका हुन् ।

---

संसद् सचिवालयका प्रवक्ता एकराम गिरीले कोइरीले बिरामी भएर संसद् बैठकमा अनुपस्थित रहेको जानकारी संसद् सचिवालयलाई गराएका छन् । उनका अनुसार यस बीचमा कोइरीले दुई पटक पत्र पठाइएका छन् ।

माघ २५ गतेदेखि अस्वस्थ भइ उपस्थित हुन नसकेको र सुधार भएपछि उपस्थित हुन्छु भनेर उनले पत्र पठाएको संसद् सचिवालयले जनाएको छ ।

महोत्तरी १ बाट निर्वाचित कोइरी २०७२ सालमा भएको मधेश आन्दोलनका क्रममा सशस्त्र प्रहरी बलका असई थमन बिक हत्याको घटनाका अभियुक्त हुन् ।