संसद्को अवरोध हटाउन तीन दलका शीर्ष नेताहरू छलफलमा

काठमाडौँ- संसद् सुचारु गर्ने विषयमा तीन ठूला दलका शीर्ष नेताहरू छलफलमा जुटेका छन् । प्रधानमन्त्रीको सरकारी कार्यालय सिंहदरबारमा तीन ठूला दलका शीर्ष नेताहरू छलफलमा जुटेका हुन् ।

बैठकमा प्रधानमन्त्रीसमेत रहेका नेकपा माओवादी केन्द्रका अध्यक्ष पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी ओली सहभागी छन् ।

---

त्यस्तै एमाले प्रमुख सचेतक पदम गिरी, कांग्रेस उपसभापति पूर्णबहादुर खड्का र प्रमुख सचेतक रमेश लेखक उपस्थित छन् । 

माओवादीबाट वरिष्ठ उपाध्यक्ष नारायणकाजी श्रेष्ठ र प्रमुख सचेतक हितराज पाण्डे छलफलमा सहभागी छन् । 

संसद् बैठक आज दिउँसो ४ बजे बैठक बस्ने कार्यतालिका छ ।

एमालेको अवरोधका कारण शु्क्रबार स्थगित भएको थियो । १० पुसमा नीति था कार्यक्रममाथि छलफलमा भाग लिँदै माओवादी केन्द्रका सांसद लेखनाथ दाहालले पशुपतिको जलहरीमा अनियमितता भएको बताएको विषयमा आपत्ति जनाउँदै नेकपा एमालेले संसद बैठक अवरोध गरेको हो ।

शु्क्रबार दिनभर दलहरूबीच बैठक सञ्चालनका लागि छलफल भए पनि सहमति हुन सकेको थिएन् ।