अस्पताल जाने संक्रमितका लागि गगन थापाको निःशुल्क यातायात अभियान

काठमाडौँ : कोभिड १९ संक्रमण भएर घरमै बसेका संक्रमितलाई अस्पताल जान कांग्रेस सांसद गगन थापाले निःशुल्क यातायात अभियान सुरु गरेका छन् । काठमाडौँ क्षेत्र नं. ४ को नेतृत्वमा बुधबारदेखि अस्पताल जाने संक्रमितका लागि निःशुल्क यातायात सुरु गरिएको सांसद थापाले बताएका छन् ।

ट्वीटरमा यसबारे जानकारी दिँदै उनले निषेधाज्ञामा अरु यातायातका साधन नहुने भएकाले अस्पतालसम्म जानका लागि निःशुल्क यातायात सुरु गरेको बताएका छन् । घरबाट अस्पताल, आइसोलेशनमा जानका लागि निःशुल्क गाडी चढेर जान सकिने पनि उनले बताएका छन् ।

---

यसका लागि काठमाडौँ महानगरपालिकाका तर्फबाट ९८५१०९६३०३, बुढानिलकण्ठ नगरपालिकाका तर्फबाट ९८५१०६५२५६ मा सम्पर्क गर्न सांसद थापाले नम्बर उपलब्ध गराएका छन् । यस्तै हटलाइनका लागि ९८६०३४०५८७ मा पनि फोन वा एसएमएस गर्न सकिने सांसद थापाले बताएका छन् । 

 

घरमै आइसोलेसनमा रहनुभएकालाई अस्पताल जानआउन,परीक्षण गर्न वा आइसोलेसन सेन्टर जानको लागि नेपाली कांग्रेस काठमाडौँ क्षेत्र ४ को नेतृत्वमा नि:शुल्क यातायात सेवा सुरु गरेका छौँ।

सम्पर्क:कामनपा तर्फ:9851096303
बुनपा तर्फ:9851065256/9851072129
वा हटलाइन नं. 9860340587 मा SMS गर्नु होला। pic.twitter.com/G8xhpqVXH7

— Gagan Thapa (@thapagk) May 19, 2021