महामन्त्रीको प्रस्तावले सबैभन्दा कान्छो पुस्तालाई सन्तुष्ट पार्ने कार्यक्रम ल्याओस् : पोखरेल

काठमाडौँ– नेपाली कांग्रेसका केन्द्रीय सदस्य कृष्णचन्द्र नेपाली पोखरेलले कांग्रेसबारे फैल्याइएको भ्रमले पार्टीलाई निर्वाचनमा क्षति पुगेको बताएका छन् । पार्टी केन्द्रीय कार्यालय सानेपामा जारी केन्द्रीय समिति बैठकमा बोल्दै पोखरेलले पार्टीबारे आम नागरिकमा फैल्याइएको भ्रम चर्न सबैले लाग्नुपर्ने बताए । 

‘उपनिर्वाचनमा पार्टी सभापतिसहित प्रधानमन्त्री जाँदा पनि तनहुँका जनताले अर्कैलाई भोट हालेर पठाए । मंसिर ४ को निर्वाचनमा हाम्रै क्षेत्र डा. शशांक कोइरालाको प्रतिस्पर्धा देख्दै नदेखेको पार्टीसँग भयो,’ उनले भने । 

---

उनले २०६२–६३ पछिको सबैभन्दा कान्छो पुस्तालाई सन्तुष्ट पार्ने नीति तथा कार्यक्रम ल्याउन आवश्यक रहेको बताए । ‘२०६२–२०६३ पछिको सबैभन्दा कान्छो पुस्ता, जसले विपीलाई पनि चिनेको छैन, त्यो पुस्तालाई छुने कार्यक्रम ल्याउनुपर्छ,’ उनले भने, ‘महामन्त्रीले ल्याएको प्रस्तावले त्यो पुस्तालाई पनि छुने कार्यक्रम ल्याओस् ।’