केन्द्रदेखि क्याम्पससम्मको निर्वाचनमा हामी सबैभन्दा अगाडि छौँ : राणा

काठमाडौँ– नेपाली कांग्रेसका केन्द्रीय सदस्य उदय शम्शेर राणाले केन्द्रदेखि क्याम्पससम्मको निर्वाचनमा काँग्रेस सबैभन्दा अगाडि भएको बताएका छन् । कांग्रेसको केन्द्रीय कार्यालय सानेपामा जारी केन्द्रीय कार्यसमितिको बैठकमा उनले यस्तो बताए । 

सबैतिर आफूहरू  अगाडि भए पनि पार्टीभित्रै हिलो छ्याप्ने काम भइरहेकोप्रति उनले गुनासो गरे । ‘केन्द्र, प्रदेश, स्थानीय तहदेखि क्याम्पसको निर्वाचनमा हामी सबैभन्दा ठूलो पार्टी छौँ,’ उनले भने, ‘तर निराशा भने छ । हाम्रा युवा साथीहरू अरु संगठनमा जाने कुराका कारण धेरै होलान् । पार्टीभित्रै हिलो छ्याप्ने काम भएको छ ।’ 

---

उनले पार्टीभित्र आन्तरिक प्रतिस्पर्धा भइरहेको र यसलाई सकारात्मक तरिकाले लिनुपर्ने बताए । ‘पार्टीभित्र पनि आन्तरिक प्रतिस्पर्धा रहेको छ । हामीले यसलाई स्वच्छ तरिकाले लिनुपर्छ । अरुसँग टिम भएर लड्नुपर्छ ।’ 

उनले बैठकपछि सबै एकजुट भएर लाग्नुपर्नेमा जोड दिएका छन् ।

कांग्रेसको केन्द्रीय कार्यसमिति बैठक जारी छ । करिब एक वर्षपछि बसेको बैठकको आज तेस्रो दिन हो । आज पनि विभिन्न केन्द्रीय सदस्यहरूले आफ्नो धारणा राखिरहेका छन् ।