देउवाको आलोचना गर्नेलाई यादवको कटाक्ष– फेरि एकचोटि गल्ती गर्नुहोला सभापतिजी

काठमाडौँ– नेपाली कांग्रेसका सहमहामन्त्री महेन्द्र यादवले पार्टी सभापति शेरबहादुर देउवालाई धन्यवाद दिएका छन् । कांग्रेसको केन्द्रीय कार्यसमिति बैठकमा बोल्दै उनले कांग्रेसलाई ठूलो पार्टी बनाएको र गुमेको सत्ता फिर्ता ल्याएकोमा देउवालाई धन्यवाद दिएका हुन् । 

‘सभापतिज्यूले स्थानीय, प्रदेश र केन्द्रमा कांग्रेसलाई सबैभन्दा ठूलो पार्टी बनाउनुभयो, गुमेको सरकार फिर्ता ल्याउनुभयो । त्यसका लागि म उहाँलाई धन्यवाद दिन्छु,’ उनले भने । 

---

सभापति देउवाको आलोचना गर्नेलाई उनले कटाक्ष गरे । ‘ठूलो पार्टी बनाउनु गल्ती हो भने फेरि एकचोटि गल्ती गर्नुहोला सभापतिजी । पूर्ण बहुमतको कांग्रेस सरकार बनाउनुहोला । सारा जनताले बधाई दिनेछन् ।’

कांग्रेसको केन्द्रीय कार्यसमिति बैठक जारी छ । करिब एक वर्षपछि बसेको बैठकको आज पाँचौँ दिन हो । आज पनि विभिन्न केन्द्रीय सदस्यहरूले आफ्नो धारणा राखिरहेका छन् ।