सुदूरपश्चिम एमाले संसदीय दलको बैठक जारी

धनगढी : सुदूरपश्चिम प्रदेशको एमाले संसदीय दलको बैठक सुरु भएको छ । बैठकमा सभामुख बाहेक एमालेका २४ जनामध्ये २१ सांसद उपस्थित छन् । माधव नेपाल पक्षका १८ र केपी शर्मा ओली पक्षका तीन जना प्रदेश सभा सदस्य उपस्थित भएका हुन् । 

एमाले स्थायी कमिटीको बैठकले माओवादी केन्द्र नेतृत्वको प्रदेश सरकारलाई दिएको समर्थन फिर्ता लिने निर्णय गरेपछि पहिलो पटक संसदीय दलको बैठक बसेको हो । एमालेबाट मन्त्री भएकाहरूलाई २४ घण्टाभित्र फिर्ता हुन निर्देशन जारी गरिएको छ ।

---

५२ जना प्रदेशसभा सदस्य रहेको सुदूरपश्चिम प्रदेशमा एमालेका २५ जना सांसद छन् । सभामुखबाहेक २४ जनामा नेपाल पक्षका १८ र ओली पक्षमा ६ जना सांसद छन् । माधव पक्षका प्रदेशसभा सदस्यको संख्या बढि भएकाले संसदीय दलको बैठकले अहिलेकै सरकारलाई निरन्तरता दिने सम्भावना देखिएको छ।