आज तीन संसदीय समितिको बैठक बस्दै

काठमाडाैं । आज तीन वटा संसदीय समितिको बैठक बस्दैछ । जसअनुसार शिक्षा स्वास्थ्य तथा सूचना प्रविधि समितिको बैठक बिहान साढे १० बजे बस्दैछ ।

बैठकमा चिकित्सा शिक्षाको गुणस्तर र सम्बन्धनका विषयमा समितिमा आएका उजुरीका सम्बन्धमा शिक्षा, विज्ञान तथा प्रविधि मन्त्रालय, स्वास्थ्य तथा जनसङ्ख्या मन्त्रालय, चिकित्सा शिक्षा आयोग र प्राविधिक शिक्षा तथा व्यवसायिक तालिम परिषदसँग छलफल हुनेछ भने दिउँसो १ बजे बस्ने दिगो विकास तथा सुशासन समितिको बैठकमा दिगो विका लक्ष्य नं. ५ अन्तर्गत लैंगिक समानता तथा सामाजिक न्याय सम्बन्धमा अन्तर पार्टी महिला सञ्जालसँग छलफल हुनेछ ।

---

त्यस्तै मध्यान्ह १२ बजे बस्ने विधायन व्यवस्थापन समितिको बैठकमा विद्युतीय व्यापार विधेयक,२०८० माथि दफावार छलफल हुनेछ ।