लोकतान्त्रिक आन्दोलनमा नेम्वाङको भूमिका इतिहासमा अमर रहनेछ : रास्वपा

काठमाडौं । राष्ट्रिय स्वतन्त्र पार्टी (रास्वपा)ले नेकपा एमालेका उपाध्यक्ष तथा पूर्वसभामुख सुवासचन्द्र नेम्वाङको निधनप्रति शोक व्यक्त गरेको छ । पार्टी महामन्त्री तथा प्रवक्ता मुकुल ढकालले विज्ञप्ति निकालेर श्रद्धाञ्जली व्यक्त गरेका छन् । 

पूर्वसभामुखसमेत रहनुभएका नेम्वाङले नेपालमा भएका लोकतान्त्रिक आन्दोलनमा निभाउनुभएको भूमिका नेपाली इतिहासमा सदैव अमर रहने विज्ञप्तिमा भनिएको छ । पार्टीले आज तय भएका सम्पूर्ण कार्यक्रम स्थगित गरिएको पनि जानकारी पनि दिएको छ । 

---

नेम्वाङको आज मंगलबार बिहान हृदयघातबाट निधन भएको हाे ।