भक्तपुरमा पाँच दलको संयुक्त विरोध प्रदर्शन

भक्तपुर : प्रतिनिधि सभा विघटनविरुद्धमा बिहीबार साँझ भक्तपुरमा ५ दलले संयुक्त विरोध प्रदर्शन गरेका छन् । नेपाली कांग्रेस भक्तपुरको नेतृत्वमा भएको कार्यक्रममा भक्तपुरको टौमढीमा थाल थटाएर, सिटी बजाएर र घन्टी बजाएर सहभागीहरूले विरोध गरेका थिए । 

 कार्यक्रममा कांग्रेस बाग्मती प्रदेश सभा सदस्य कृष्णलाल भडेल र माओवादी  केन्द्रका बाग्मती प्रदेश सभा सदस्य प्रतिमा श्रेष्ठको समेत सहभागिता रहेको थियो । विरोध कार्यक्रमा कांग्रेस, एमाले माधवकुमार नेपाल समूह, जनता समाजवादी पार्टी उपेन्द्र यादव समूह, माओवादी केन्द्र,राष्ट्रीय जनमोचा जिल्ला नेताहरूको सहभागिता रहेको थियो । 

---

कार्यक्रम साँझ ७ बजे भएको थियो । त्यस्तै तरुण दल भक्तपुरले पनि सल्लाघारीमा शंख बजाइ, थाल थटाइ र सिटि बजाई  प्रतिनिधी सभा विघटनको विरोध गरेका थिए ।