कलाकारले धनराज राम्रो छ भनिदिएकै भरमा चुनाव जितेँः मन्त्री गुरुङ

काठमाडौँ - कानुन, न्याय तथा संसदीय मामिला मन्त्री धनराज गुरुङले राजनीतिमा देखिएको विकृति र विसंगतिका विरुद्धमा लड्ने बताएका छन् । 

बिहीबार काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन् । उनले कलाकारकै कारण आफूले चुनाव जितेर आएको पनि बताए । उनले गीत गाउन नजानेर आफू राजनीतिक व्यक्तिको रुपमा उभिएको भन्दै कलाकारको सद्भाव र माया आफूमाथि धेरै रहेको बताए । 

---

उनले भने,  ‘म गाउन जान्दिन तर सधैँ म समय पाएँ भने सुनिरहन्छु । मनमनै गुन्गुनाउन मन लाग्छ, गुन्गुनाउँछु बाहिर आउँदैन । नत्र म पनि त्यस्तै कलाकार हुन्थेँ जस्तो लाग्छ । त्यही गाउन नजानेर म आज राजनीतिक यात्रामा उभिएँ । कलाकार साथीको सद्भाव र माया पाएको छु  । तपाईहरुले नै धनराज राम्रो छ भनिदिएपछि मैले चुनाव जितेर आएँ । नेपाली राजनीतिमा देखिएको विकृति र विसंगतिका बिरुद्धमा सधैँ लडेर तपाईहरुको बीचमा निष्ठाको राजनीतिका रुपमा उभिएर निष्ठाको राजनीति गर्ने व्यक्तिको रुपमा उभिएर मर्न चाहन्छु ।’

मन्त्री गुरुङले धनराज राम्रो छ भनिदिएकै भरमा आफूले चुनाव जितेको दाबी गरे ।