गणतन्त्र भर्सेस राजतन्त्र : युवा संघ र प्रसाईं नेतृत्वको महाअभियानको विरोध प्रदर्शन आज

काठमाडौँ- आज काठमाडौँमा दुई समूहले छुट्टाछुट्टै विरोध प्रदर्शन गर्दै छन् । नेकपा एमालेको युवा संगठन राष्ट्रिय युवा संघ नेपालले तीनकुनेमा विरोध कार्यक्रम गर्दैछ । 

युवा संघले भ्रष्टाचार, महंगी, अनियमितता, माफियागिरी, समाजिक सद्भाव भड्काउने एवं धार्मिक सहिष्णुता भत्काउने आपराधिक गतिविधि विरुद्ध प्रदर्शन गर्न लागेको जनाएको छ ।

---

त्यस्तै दुर्गा प्रसाईंको नेतृत्वमा रहेको राष्ट्र, राष्ट्रियता, धर्म, संस्कृति र नागरिक बचाउ महाअभियान नेपालले आज ललितपुरको बल्खुमा कार्यक्रम गर्दैछ ।

भ्रष्ट्राचार, बेथिति, कुशासन, दलाल, कमिशनखोर, घुसखोर, अन्याय, अत्याचार, शोषण, दमनविरूद्ध प्रसाईं समूहले कार्यक्रम गर्न लागेको हो । प्रसाईं नेतृत्वले गणतन्त्रभन्दा देशमा राजतन्त्रको वकालत गर्दै आएको छ ।