लामिछानेविरुद्ध छानबिन माग गर्दै संसदीय समिति र सभामुखकोमा उजुरी

काठमाडौँ- राष्ट्रिय स्वतन्त्र पार्टी (रास्वपा)का सभापति एवं सांसद रवि लामिछानेविरुद्ध उजुरी परेको छ । लामिछाने सदस्य रहेको प्रतिनिधिसभाअन्तर्गतको राज्यव्यवस्था तथा सुशासन समितिमै उजुरी परेको हो  ।

मंगलबार सांसद लामिछानेविरुद्ध सिन्धुलीका युवराज सफलले समितिमा उजुरी दर्ता गराएका हुन् । सफलले सभामुख देवराज घिमिरेको सचिवालयमा पनि उजुरी दर्ता गराएका छन् ।

---

उजुरीकर्ता सफलले सहकारी घोटाला प्रकरणमा लामिछाने संलग्न रहेको आरोप लगाएका छन् । केही दिनअघि उनले सहकारी विभागमा पनि उजुरी दर्ता गराएका हुन् ।