नवनियुक्त मन्त्री र राज्यमन्त्रीद्वारा पद तथा गोपनीयताको शपथ ग्रहण

काठमाडौँ  :  नवनियुक्त मन्त्री तथा राज्यमन्त्रीले पद तथा गोपनीयताको शपथ ग्रहण गरेका छन् । राष्ट्रपति विद्यादेवी भण्डारीले राष्ट्रपति कार्यालय शीतल निवासमा आयोजित कार्यक्रमकाबीच नयाँ मन्त्रीहरुलाई शपथ गराएकी हुन् ।   

राष्ट्रपति भण्डारीले गृहमन्त्री खगराज अधिकारी, उद्योग, वाणिज्य तथा आपूर्तिमन्त्री राजकिशोर यादव, सञ्चार तथा सूचना प्रविधिमन्त्री नैनकला थापा, वन तथा वातावरणमन्त्री नारदमुनि राना, सामान्य प्रशासनमन्त्री गणेशकुमार पहाडी, कृषि तथा पशुपन्छी विकासमन्त्री ज्वाला शाह, विनाविभागीयमन्त्री, वन राज्यमन्त्रीको आशाकुमारी विकले पनि शपथ लिइन् । नयाँ मन्त्री थपिएसँगै केपी शर्मा ओली नेतृत्वको मन्त्रिपरिषद् २५ सदस्यीय बनेको छ ।  

---