अर्थतन्त्रलाई बृहत् रुपान्तरण गर्ने गरी बजेट कार्यान्वयन गरिन्छ : मन्त्री पुन

काठमाडौँ- अर्थमन्त्री वर्षमान पुनले मुलुकको अर्थतन्त्रलाई बृहत् रुपान्तरण गर्ने गरी बजेट कार्यान्वयन गर्ने बताएका छन् ।

शनिबार काठमाडौँमा आयोजित माओवादी केन्द्र अछाम–काठमाडौँ सम्पर्क समन्वय समितिको भेलामा पुनले उत्पादन, रोजगारी सिर्जना लगायतका विषयमा केन्द्रित गरी बजेट निर्माण गरिएको भन्दै अर्थतन्त्रलाई बृहत् रुपान्तरण गर्ने गरी बजेट कार्यान्वयन गर्ने बताएका हुन् । वर्तमान सरकारले आत्मनिर्भर उत्पादनमा जोड दिएका कार्यकर्ताहरूलाई उत्पादनसँग जोड्दै अघि बढ्ने उनले बताए ।

---

माओवादी केन्द्रका नेता समेत रहेका पुनले संविधानले कल्पना गरे अनुसारको समाजवादमा जाने गरी कार्यक्रम र विचारलाई अघि बढाइने उल्लेख गरे ।​ उनले पुरातन समाजवादीका साथै एकात्मक समाजवाद नेपालमा सम्भव नभएको पनि बताए ।