काठमाडौँ : वरिष्ठ अधिवक्ता नरहरि आचार्यले प्रधानमन्त्री केपी शर्मा ओलीलाई पदमा बसिरहने नैतिक अधिकार नभएको बताएका छन् । प्रतिनिधि सभा विघटनविरुद्धको बहसमा वरिष्ठ अधिवक्ता आचार्यले ओलीलाई प्रधानमन्त्री पदमा बस्ने नैतिक आधार अधिकार नभएको बताएका हुन् ।

‘रिट दायर हुनुको आधार छ । प्रधानमन्त्रीले थाकिसकेको बिदा हुन्छु भन्नेले शेरबहादुर भन्दा अगाडि दाबी पेश गर्नुभएको थियो’ उनले भने, ‘म प्रधानमन्त्री पदमा एकछिन पनि बस्न तयार छैन भन्नु भएको थियो । उहाँको प्रधानमन्त्री पदमा बस्ने नैतिक अधिकार छैन ।’

---

साथै आचार्यले राष्ट्रपति विद्यादेवी भण्डारीको टिप्पणी गैरसंवैधानिक भएको पनि बताएका छन् । ‘राष्ट्रपतिले सरकारलाई परेको दाबी यकिन गर्ने आफ्नो एकल अधिकार हो भन्नु भएको छ’ उनले थप अगाडि भने, ‘संसदमा विश्वासको मत लिनुपर्ने प्रावधान भएकाले यो दाबी गलत छ ।’

राष्ट्रपतिले सरकार गठनका लागि प्रक्रिया अगाडि बढाउनुपर्नेमा रोक्नु गलत भएको पनि उनले बताए ।  ‘सरकार गठनका लागि प्रक्रिया अघि बढाउनुभयो । तर प्रक्रिया रोक्नुभयो’ बहसका क्रममा उनले भने, ‘प्रक्रिया पूरा गर्न दुई जनाकै दाबी नपुग्दा थप प्रमाण पेश गर्न आह्वान गर्नुपर्थ्यो ।