इजलासले शब्द हेर्ने होइन, सार हेर्ने हो - वरिष्ठ अधिवक्ता मैनाली

काठमाडौैँ : वरिष्ठ अधिवक्ता लवकुमार मैनालीले प्रतिनिधि सभा विघटनविरुद्धको मुद्दामा संवैधानिक इजलासले शब्द नभई सार हेर्नुपर्ने सुझाव दिएका छन् । प्रतिनिधि सभा विघटनविरुद्धको बहसमा सभामुख अग्नि सापकोटा पक्षको वकिल वरिष्ठ अधिवक्ता मैनालीले संविधानमा शब्द भन्दा बढी त्यसको सार हेर्नुपर्ने बताएका हुन् । 

उनले राष्ट्रपति भण्डारीले संविधानको संरक्षण गर्नुको सट्टा संविधान कुल्चने काम गरेको बताए । ‘राष्ट्रपतिले संविधानको संरक्षण गर्नुपर्दैन । दायित्व नाघेर कुल्चने कुचेष्टा गर्ने ?’ उनले भने, ‘प्रधानमन्त्रीका लागि मात्रै यो प्रक्रिया गरिएको हो भन्ने आशंका गर्ने अवस्था आयो ।’ 

---

संसद चल्न पाओस् भनेर विघटनको अधिकार प्रधानमन्त्रीलाई नदिएको भएपनि प्रधानमन्त्रीले सनकका भरमा विघटन गर्दा राष्ट्रपतिले सदर गर्नु दुःखद भएको उनले बताए । ‘माथि दलको नेतालाई, तल प्रतिनिधिसभा सदस्यलाई भनेको छ’ उनले भने, ‘इजलासले शब्द हेर्ने होइन सार हेर्ने हो ।’