नवलकिशोर पनि उपेन्द्र समूहमै

काठमाडौँ । जनता समाजवादी पार्टी (जसपा) का कार्यकारिणी सदस्य नवलकिशोर साह पनि अध्यक्ष उपेन्द्र यादव समूहमा लागेका छन् । यसअघि महन्थ ठाकुर समूहमा रहेका उनी सोमबार निर्वाचन आयोगमा भएको ‘हेडकाउन्ट’मा उनी यादव पक्षमा खुलेका हुन् । उनी जसपामा ठाकुर समूहका वरिष्ठ नेता राजेन्द्र महतो निकट मानिन्थे ।  

‘राजेन्द्र महतोलाई मैले धोका दिएको होइन । उहाँ (महतोले पार्टीलाई धोका दिएर संघीयताको विपक्ष र प्रतिगमनको पक्षमा उभिएकोले त्यता उहाँहरुलाई साथ दिन सकिनँ,’ उनले भने ।   उनले राजेन्द्र महतोले केपी ओलीलाई गाली गरेर फेरि स्वार्थपूर्तिका लागि सरकारमा गएको आरोप पनि लगाए । 
‘उहाँको भाषण त सुन्नुस् न । ओलीविरुद्ध कति चिच्याएर भाषण दिनु भएको थियो,’ उनले भने, ‘कुन स्वार्थले सरकारमा जानु भयो ?’  

---