काठमाडौँ : प्रतिनिधि सभा सांसद आशाकुमारी विकले अनलाइन गेम बन्द गर्न माग गरेकी छन् । प्रतिनिधि सभा बैठकको शून्य समयमा बोल्दै सांसद विकले अनलाइन गेम पब्जी, फ्री फायरले बालबालिकालाई मानसिक रोग निम्त्याउने काम गरेको भन्दै तत्काल अनलाइन गेम बन्द गर्न माग गरेकी हुन् । 

बैठकमा उनले भनिन्, ‘पब्जी र फ्रि फायर जस्ता खेलको लतमा फसेका बालबालिकामा डराउने, झस्किने जस्ता अनौठो बानी देखापरेका छन् । यसले पछि गएर मानसिक रोग पनि निम्त्याउन सक्छ । त्यसकारण अनलाइन गेम बन्द गरियोस्।’

---

साथै उनले सरकारले अनलाइन गेम बन्द नगरे न्याय खोज्दै अभिभावक अदालत जानुपर्ने अवस्था आउन सक्नेतर्फ पनि ध्यानाकर्षण गराएकी छन् ।