कसैको दबाबले हैन, पार्टी एकता जोगाउन राजीनामा दिएको हुँ : मुख्यमन्त्री पौडेल

हेटौंडा-  बामगती प्रदेशको मुख्यमन्त्री डोरमणि पौडेलले कसैको दबाब र प्रेसरमा दलको नेताबाट राजीनामा नदिएको बताएका छन् । नेकपा एमाले पार्टी फुट्ने समयमा प्रदेशबाट सकारात्मक सन्देश दिन खोजेको उनको भनाइ छ ।

नेकपा एमालेलाई राष्ट्रिय रुपमा एकताबद्ध बनाउन सहयोग पुर्‍याउने हेतुले अष्टलक्ष्मी शाक्यलाई दलको नेत चयन गरेको पौडेलको दाबी छ । यो सन्देशले माथिल्लो तहका नेताहरुलाई पनि एकताबद्ध हुन दबाब पर्ने उनको भनाइ छ । प्रतिकुलताबीच पनि साढे ३ वर्ष काम गर्दा असन्तुष्ट हुने अवस्था कुनै पनि नरहेको भन्दै यो कार्यकालमा अन्य प्रदेशभन्दा बागमती प्रदेशमा बढी काम भएको उनी बताउँछन् ।

---

उनले मुख्यमन्त्रीबाट राजीनामा दिने संकेत गर्दै बाँकी कार्यकाल पनि एमालेकै सरकार हुने बताए ।  सरकारमा नभए पनि सरकारलाई पूर्ण साथ सहयोग गर्ने अठोटका साथ दलको नेताबाट आज राजीनामा दिएको उनकाे भनाइ छ । पौडेलले आजै नभए भोलिसम्म मुख्यमन्त्री पदबाट राजीनामा दिने तयारी गरेका छन् । प्रदेशमा मुख्यमन्त्री अष्टलक्ष्मी शाक्य बन्ने निश्चित भइसकेको छ ।