गृह मन्त्रालयको विज्ञप्तिविरुद्ध सर्वाेच्चमा रिट, २७ भदौलाई पेशी तोकियो

काठमाडौँ – गृह मन्त्रालयले जारी गरेको विज्ञप्तिविरुद्ध सर्वाेच्चमा रिट दायर भएको छ । मन्त्रालयले गत शुक्रबार  एमसीसी परियोजनालाई  इंगित गर्दै मित्र राष्ट्रहरुको सहयोगमा सञ्चालित विकास आयोजना, त्यहाँ कार्यरत कर्मचारी, विदेशी नागरिक र तीनको सम्पत्तिलाई लक्षित गरी नकरात्मक टिप्पणी गर्नेलाई कडा कारबाही गरिने भन्दै विज्ञप्ति जारी गरेको थियो ।  

गृहको उक्त विज्ञप्तिको चौतर्फी आलोचना र विरोध भइरहेको छ । उक्त विज्ञप्तिले नागरिकको विचार र अभिव्यक्तिको स्वतन्त्रता हनन् भएको भन्दै अधिवक्ता प्रवेश केसीले सर्वाेच्च अदालतमा रिट दायर गरेका हुन् । उनको रिटमाथि भदौ २७ गते पेशी तोकिएको छ ।  

---

रिटमा संवैधानिक एवंम् कानुनी औचित्यता नखुलाई, सन्दर्भ र पृष्ठभूमि नजोडी कुन विदेशी विकास आयोजनामा कस्तो प्रभाव परेको हो नखुलाई विज्ञप्ति जारी गर्दा नागरिकको मौलिक हक अतिक्रमण भएकोले र उक्त कदम गैरसंवैधानिक भएकोले सूचना बदर गर्न माग गरिएको छ ।