अखिल (क्रान्तिकारी)को नेतृत्व चयन गर्ने जिम्मा दाहाललाई

काठमाडौँ - नेकपा माओवादी केन्द्रले पार्टी निकट विद्यार्थी संगठन अखिल (क्रान्तिकारी)को नेतृत्व चयन गर्ने जिम्मा पार्टी अध्यक्ष पुष्प कमल दाहाललाई दिएको छ ।

पार्टी कार्यालय पेरिसडाँडामा शनिबार बसेको माओवादी स्थायी कमिटी बैठकले अखिल (क्रान्तिकारी) को नेतृत्वबारे छलफल गर्दै अन्तिम टुङ्गो लगाउने जिम्मा अध्यक्षलाई दिइएको माओवादी प्रवक्ता कृष्ण बहादुर महराले जानकारी दिए । 

---

उनले राष्ट्रिय सम्मेलन चलिरहेकाले नेतृत्वका बिषयमा छलफल भएको भन्दै सवै पात्र समान हैसियत र समान क्षमताको रहेकाले छनौट गर्ने जिम्मा अध्यक्षलाई दिइएको बताए । त्यस्तै बैठकमा विशेष प्रदेश कमिटीका लागि ९१ जनाको नाम प्राप्त भएको र अध्ययन पछि अर्को बैठकले आवश्यक निर्णय गर्ने प्रवक्ता महराले जानकारी दिए । 

उनले मन्त्रिमण्डलका बिषयमा भने आइतबार छलफल हुने जानकारी दिए ।