एमालेको निर्वाचन आयोग अध्यक्षमा विजय सुब्बा

काठमाडौँ – नेकपा एमालेले निर्वाचन आयोग गठन गरेको छ । ललितपुरको गोदावरीस्थित सनराइज सम्मेलन केन्द्रमा भएको विधान महाअघिवेशनबाट एमालेले डा. विजय सुब्बाको अध्यतामा आयोग गठन गरेको हो । 

आयोगको सदस्यमा अधिवक्ता महेश नेपाल, सानुराजा पोखरेल, बाबुराम दाहाल, डा. कुन्साङ लामा, रीता सिम्खडा, भरत पोखरेल, रञ्जु ठाकुर, टंक उप्रेती, सुमित्रा बिसी, पवित्रा निरौला खरेल, विमला विश्वकर्मा, केवललाल श्रेष्ठ र लोकबहादुर थापा रहेका छन् । आयोगले एमालेका कमिटीहरूमा चुनाव गराउने छ।

---