पुरानो पुस्ता रिप्लेस गर्न युवा पुस्ता तयार छ : गुरुराज घिमिरे

सर्लाही – नेपाली कांग्रेसका केन्द्रीय सदस्य गुरुराज घिमिरेले नेपाली कांग्रेसको नेतृत्वका लागि युवा पुस्ता सक्षम रहेको स्पष्ट पारेका छन् । सर्लाहीमा आयोजित पार्टी प्रवेश कार्यक्रमलाई सम्बोधन गर्न मंगलबार पुगेका नेता घिमिरेले दोस्रो दिन सर्लाहीमा पत्रकारसँग कुरा गर्दै यस्तो बताएका हुन् । 

‘कांग्रेसमा अब युवापुस्ताले नेतृत्व लिनुपर्छ,’ नेता घिमिरेले भने, ‘पार्टीका पुराना नेताले अब विश्राम लिनुपर्छ । पाका नेताले अब सम्मानजनक बिदाइ नलिए युवाले बहिर्गमन गर्नेछन् । पुरानो पुस्ता रिप्लेस गर्न युवा पुस्ता तयार छ ।’

---

उनले अहिले नै आफूले कुनै पदमा उम्मेदवारीको घोषणा नगर्ने जनाएका छन् । ‘पार्टीमा मेरो आवश्यकता छ भने अवश्य मैले त्यो स्थान पाउँछु नत्र म उम्मेदवारी नै नदिन पनि सक्छु,’ उनले भने । उनले आउँदो १४औं अधिवेशनलाई एकताको सन्देश दिने अधिवेशनका रूपमा युवाले तयारी गर्नुपर्नेमा जोड दिए ।