इन्धनको मूल्यवृद्धिविरुद्ध एमालेनिकट अनेरास्ववियुको प्रदर्शन

 

काठमाडौँ – सरकारले पेट्रोलियम पदार्थमा गरेको मूल्यवृद्धिविरुद्धमा प्रमुख प्रतिपक्षी नेकपा एमालेनिकट विद्यार्थी संगठन अनेरास्ववियुले विरोध प्रदर्शन गरेको छ ।

---

संगठनका विद्यार्थीहरूले शुक्रबार त्रिचन्द क्यामपसमा मसाल जुलुससहित विरोध प्रदर्शन गरेका हुन् । सो क्रममा प्रहरीले विद्यार्थीहरूलाई नियन्त्रण गर्न खोज्दा विद्यार्थी नेता र प्रहरीबीच धकेलाधकेलसमेत भएको छ ।

 नेपाल आयल निगमले पेट्रोलियम पदार्थमा गरेको मूल्यवृद्धि तत्काल फिर्ता लिन विद्यार्थीहरूले माग गरेका छन् । सरकारले जनतालाई मार पर्ने गरी पेट्रोलियम पदार्थको मूल्यवृद्धि गरेको भन्दै बिहीबार पनि अनेरास्ववियुले आरआर क्याम्पस परिसरमा प्रधानमन्त्री शेरबहादुर देउवाको पुत्ला जलाएको थियो ।