अध्यक्ष दाहाल अस्पताल भर्ना

काठमाडौँ – नेकपा माओवादी केन्द्रका अध्यक्ष पुष्पकमल दाहाल अस्पताल भर्ना भएका छन् । शनिबार एक्कासी रक्तचाप बढेपछि दाहाल ललितपुरस्थित मेडिसिटी अस्पतालमा भर्ना भएका हुन् ।

कर्णाली प्रदेशका उच्चहिमाली क्षेत्रदेखि पूर्वीपहाडी जिल्ला भोजपुरमा आयोजित पार्टीका विभिन्न कार्यक्रममा निरन्तर सहभागी भएपछि धपेडी र चापका कारण दाहाललाई रक्तचाप बढ्न गएको दाहालकी छोरी गंगा दाहालले जानकारी दिइन् । ‘अहिले अवस्था सामान्य रहेको र चिकित्सकका सल्लाहअनुसार केही घण्टा आराम गराई डिस्चार्ज गरिनेछ’ उनले फेसबुकमार्फत भनेकी छन् ।
 

---