विराटनगर – नेपाली कांग्रेसको १४औं महाधिवेशनअन्तरर्गत प्रदेश १ को अधिवेशनमा नेतृत्वका लागि गुरुराज घिमिरे र उद्वव थापाबीच प्रतिस्पर्धा हुने भएको छ । घिमिरे वरिष्ठ नेता रामचन्द्र पौडेल समूहका नेता हुन् । थापा भने पूर्वमहामन्त्री कृष्णप्रसाद सिटौला समूहका नेता हुन् । थापालाई पार्टी सभापति शेरबहादुर देउवा समूहले पनि समर्थन गर्ने निर्णय गरेको छ ।  

कांग्रेसको प्रदेश अधिवेशन आजबाट सुरु भएको छ । सभापति शेरबहादुर देउवाले भर्चुअल रुपमा सातै प्रदेशको अधिवेशन उद्घाटन गरेका छन् ।  
  

---