प्रदेश १ का तीन मन्त्रीले दिए राजीनामा

काठमाडौं :  प्रदेश १ का तीन मन्त्रीले राजीनामा दिएका छन् । सामाजिक विकास मन्त्री जीवन घिमिरेसहित सोही मन्त्रालयका राज्यमन्त्री जसमाया गजमेर र उद्योग पर्यटन, वन तथा वातावरण राज्यमन्त्री विजयकुमार विश्वासले राजीनामा दिएका हुन् ।

'वर्तमान राष्ट्रिय राजनीतिमा घटेका घटनाक्रमहरुका कारणले गर्दा वर्तमान प्रदेश सरकारको मन्त्री र राज्यमन्त्रीको जिम्मेवारीमा रही काम गर्न असमर्थ रहेकाले राजीनामा दिएका छौँ' उनीहरुले पत्रमा लेखेका छन् ।

---

राजीनामा दिने तीन मन्त्री नेकपाका अध्यक्ष पुष्पकमल दाहाल-माधवकुमार नेपाल समूहका हुन् । नेकपा केन्द्रको विवाद प्रदेशमा पनि देखिन थ‍ालेको छ ।