कांग्रेस महाधिवेशन : महामन्त्रीका उम्मेदवारको मत गणना आज नहुने

काठमाडौँ – नेपाली कांग्रेसको १४औँ महाधिवेशन अन्तरर्गत महामन्त्री पदका उम्मेदवारहरुको मत गणना आज नहुने भएको छ । आज अन्य पदाधिकारीको मत गणना भने सुरु हुने केन्द्रीय निर्वाचन समितिका गोपालकृष्ण घिमिरेले जानकारी दिए ।  उनका अनुसार आज उपसभापति पदका उम्मेदवारहरुले पाएको मतको मात्रै गणना हुनेछ । 

‘महामन्त्रीका उम्मेदवारहरुको मत गणना आज हुँदैन,’ उनले भने, ‘आज उपसभापतिको मात्र गणना हुन्छ ।’ कति बेलादेखि गणना सुरु गर्ने भन्नेबारे छलफल भइरहेको उनको भनाइ छ ।   

---

निर्वाचन समितिले उपसभापतिसहित पदाधिकारी तथा सदस्यहरुको मत गणना पार्टी केन्द्रीय कार्यालय सानेपामा गर्ने जनाएको छ । मत पेटिकाहरु सानेपामा लगेर राखिएको छ । कांग्रेसको १४औँ महाधिवेशनअन्तरर्गत हिजो भएको दोस्रो चरणको मतदानपछि भएको मतगणनाबाट पार्टी सभापतिमा दोस्रो कार्यकालको लागि शेरबहादुर देउवा निर्वाचित भएका छन् ।