कांग्रेस महाधिवेशन : उपसभापतिमा गच्छदारले अग्रता लिएपछि पुनः मत गणना गर्न गुरुङको माग

काठमाडौँ – नेपाली कांग्रेसको १४औँ महाधिवेशनअन्तरर्गत उपसभापति पदका लागि भएको मतदानको अहिले मत गणना भइरहेको छ । सुरुदेखि नै अग्रता बढाएका शेखर कोइराला प्यानलका उम्मेदवार धनराज गुरुङलाई शेरबहादुर देउवा प्यानलका विजयकुमार गच्छदारले पछि पारेपछि विवाद भएको छ । 

धनराजले मतगणनाको सुरुवातीदेखि नै अग्रता लिँदै आएका थिए ।  ३५५८ मत गणना भइरहँदा गच्छदारले गुरुङलाई पछि राखेको विवरण निर्वाचन समितिले सार्वजनिक गरेको थियो ।  गच्छदारले १४४३ मत ल्याएका छन् भने धनराजले १३३७ मत ल्याएका छन् । धनराजका एजेन्टले गच्छदारले १४३२ मत मात्र ल्याएको दाबी गर्दै पुनः मतगणनाको माग गरेका छन् ।  दुई उपसभापतिका लागि सात जना चुनावी मैदानमा छन् । 

---