कांग्रेस महाधिवेशन : सहमहामन्त्रीतर्फ विभिन्न क्लस्टरको मतगणना जारी

काठमाडौँ – नेपाली कांग्रेसको १४औँ महाधिवेशनअन्तरर्गत सहमहामन्त्री पदका उम्मेदवारहरुको क्लस्टर अनुसार नै मतगणना जारी छ । पिछडिएको क्षेत्रको मत गणना जारी रहँदा मुस्लिम, मधेसी र खसआर्य क्लस्टरको पनि मतगणना भइरहेको निर्वाचन समितिले जनाएको छ । मत गणना कांग्रेस मुख्यालय सानेपामा भइरहेको छ । मुस्लिम, मधेसी र खसआर्य क्लस्टरको नौ ठाउँमा मतगणना भइरहेको छ ।  

खसआर्यतर्फ किशोरसिंह राठौर र देवराज चालिसे, मधेसीतर्फ महेन्द्र यादव, रञ्जीत कर्ण र रामकृष्ण यादव तथा मुस्लिमतर्फ फरमुल्लाह मन्सुर र शेख वकिल चुनावी मैदानमा छन् । 

---

अहिलेसम्म महिला सहमहामन्त्रीमा महालक्ष्मी उपाध्याय ‘डिना’, आदिवासी जनजातितर्फ भीष्मराज आङदेम्बे र दलित सहमहामन्त्रीमा जीवन परियार विजयी भइसकेका छन् । 
कांग्रेसको सभापतिमा शेरबहादुर देउवा, उपसभापतिमा पूर्णबहादुर खड्का र धनराज गुरुङ, महामन्त्रीमा गगनकुमार थापा र विश्वप्रकाश शर्मा विजयी भइसकेका छन् ।