कांग्रेस केन्द्रीय सदस्यको मतगणना पनि आजैदेखि

काठमाडौँ – नेपाली कांग्रेसका केन्द्रीय सदस्यहरुको मतगणना पनि आजबाटै सुरु हुने भएको छ । पार्टीको १४औँ महाधिवेशनअन्तरर्गत भएको मतदानपछि अहिले मतगणनाको काम जारी छ ।

निर्वाचन समितिले दिएको जानकारी अनुसार सहमहामन्त्रीको मतगणनाको काम सकिनै लागेकोले त्यसपछि लगत्तै निर्वाचन समितिको बैठक बस्नेछ र केन्द्रीय सदस्यका उम्मेदवारको मत गणना सुरु हुनेछ ।  

---

समितिले दिएको जानकारी अनुसार केन्द्रीय सदस्यअन्तरर्गत पनि सबैभन्दा पहिले मधेसी महिला केन्द्रीय सदस्यको मत गणना हुने छ । मधेसी महिला केन्द्रीय सदस्य ४ पदमा ५ जना उम्मेदवार छन् । प्रदेश २ को प्रदेश अधिवेशन नभएको र त्यसक्षेत्रका नेता तथा कार्यकर्ता प्रदेशमा जानुपर्ने भएकाले सुरुमा मधेसी महिला पदको मतगणना सुरु गरिएको बताइएको छ ।