माधवकुमार नेपाललाई कोभिड संक्रमण

काठमाडौँ – नेकपा (एकीकृत समाजवादी) का अध्यक्ष माधवकुमार नेपाललाई कोभिड संक्रमण पुष्टि भएको छ । उच्चस्तरीय राजनीतिक संयन्त्रको बैठकमा सहभागी नेताहरुलाई कोभिड संक्रमण देखिएसँगै नेता नेपालले पनि पीसीआर परीक्षण गरेका थिए । आज मंगलबार आएको पीसीआर रिपोर्टमा नेपाललाई कोभिड संक्रमण पुष्टि भएको हो । उनको स्वास्थ्य अवस्था सामान्य छ । यता नेकपा माओवादी केन्द्रका अध्यक्ष पुष्पकमल दाहाललाई यसअघि नै कोभिड संक्रमण पुष्टि भइसकेको छ । 
 

---