कामचलाउ प्रधानमन्त्रीले राष्ट्रिय सभामा धारणा राख्‍दै

काठमाडौँ : कामचलाउ प्रधानमन्त्री केपी शर्मा ओलीले आज बस्‍ने राष्ट्रिय सभा बैठकमा आफ्‍नो धारणा राख्‍ने भएका छन् । प्रधानमन्त्रीको सचिवालयले ओली दिउसो एक बजे राष्ट्रिय सभामा पुग्‍ने र केही बेर बसेर आफ्‍नो धारणा राख्‍ने जानकारी दिएको छ । 

उनले धारणा राख्‍नेक्रममा सांसदका केही प्रश्‍नको जवाफ दिने कार्यक्रम रहेको सचिवालयले जानकारी दिएको छ । 

---

राष्ट्रिय सभाको बैठक दिउसो १ बजेका लागि बोलाइएको छ । राष्ट्रिय सभाको आजको सेड्युल भने आइसकेको छैन । 

हठातमा प्रतिनिधि सभा विघटन गरेका कामचलाउ प्रधानमन्त्री ओलीले त्यसबारेमा पनि आफ्नो धारणा राख्‍न सक्ने बताइएको छ । सांसदहरूले त्यस विषयमा प्रश्‍न राख्‍न सक्ने भन्दै त्यसको पनि तयारी गरेका सचिवालयले बताए । 

उनको प्रतिनिधि सभा विघटन गर्ने कदमको सबैतिरबाट आलोचना हुँदै आएको छ ।