प्रतिनिधि सभा विघटनविरुध्दको मुद्दा हेर्दाहेर्दैमा

काठमाडौं : प्रतिनिधिसभा विघटनविरुध्दको मुध्दा हेर्दाहेर्दैमा राखिएको छ । आइतबारदेखि संवैधानिक इजलासमा शुरु भएको मुद्दा सोमबारका लागि हेर्दाहेर्दमा राखिएको हो । 

आइतबार चार जना कानुन व्यवसायीले बहस गरे । अधिवक्ताहरू भीमार्जुन आचार्य, सुनिल पोखरेल, बद्री भट्ट र सन्तोष भण्डारीले बहस गरे । भण्डारी र भट्टले छोटो बहस गरेपनि संविधानविद आचार्यले झण्डै तीन घण्टा बहस गरेका थिए ।

---

यस्तै अधिवक्ता पोखरेलले पनि झण्डै २ घण्टा बहस गरेपछि आइतबारका लागि सुनुवाइ सकिएको हो । पोखरेलको बहस सकिएपछि प्रधानन्यायाधीश राणाले मुद्दा हेर्दाहेर्दैमा राखिएको र सोमबार पनि सुनुवाइ हुने जानकारी दिए ।

शुक्रबार प्रधानन्यायाधीश राणाको संवैधानिक इजलासले रिट निवेदकको माग अनुसार यो मुद्दा वृह्त पूर्ण इजलासमा लैजान अस्वीकार गरेका थिए । संवैधानिक इजलासमै सुनुवाई हुने भएपछि निरन्तर सुनुवाइ गर्न लागिएको हो । 

निरन्तर सुनुवाइ गर्न लागिएपनि झण्डै एक महिनासम्मै सुनुवाइ हुने देखिएको छ । पुस ५ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेपछि पुस ६ गते सर्वोच्चमा एक दर्जन रिट दर्ता भएका थिए ।