असंवैधानिक कदम चाल्ने ओलीले जनतासँग माफी माग्‍नुपर्छ : पौडेल

स्याङ्जा : नेपाली कांग्रेसका केन्द्रीय सदस्य प्रदीप पौडेलले  प्रधानमन्त्री केपी शर्मा ओलीले जनतासँग माफी माग्‍नु पर्ने बताएका छन् ।  नेपाल तरुण दल आधिखोला गाउँपालिका स्याङ्जाले आयोजना गरेको ‘बर्तमान राजनीतिक परिस्थितिबारे अन्तरक्रिया तथा सम्मान कार्यक्रम’ पौडेलले, ओली सरकारले कुनै काम गर्न नसकेको, लोकतन्त्र रक्षा गर्न नसकेको, चुनावमा सम्वृद्ध नेपाल बनाउने सपना देखाएर जनतालाई झुक्याएको आरोप लगाए ।
 
नेकपाको दुई तिहाइ मत प्राप्त सरकारले देशको नेतृत्व गर्न नसकेको उनको भनाइ थियो । लामो समयपछि आन्दोलनबाट प्राप्त लोकतन्त्र नेकपा सरकारमा गएपछि झन् धरापमा पार्दै गएको, तीन वर्षसम्म कुनै ठोस परिवर्तन गर्न नसकेको आरोप पौडेलले लगाए । 

कोभिड-१९ का कारण जनता अफ्ठयारोमा पर्दा पनि सरकारले कुनै योजना ल्याउन नसकेको, चौतर्फी भ्रष्टाचार र महङ्गी मौलाउँदा पनि सरकारले भ्रष्टचार नियन्त्रण गर्न नसकेको पौडेलको भनाइ छ । 

---

ओली नेतृत्वको सरकारले गराउने चुनाव निष्पक्ष हुने नसक्ने उनले बताए । असंवैधानिक कदम नसच्याइ गरिने चुनावको वैधानिक हुन नसक्ने उनको भनाइ छ ।