महाकाली बहाब नेपालतिर फर्काइएकाले बर्खामा संकट आउँछ : प्रेम सुवाल

काठमाडौ– नेपाल मजदुर किसान पार्टीका नेता प्रेम सुवालले भारतले महाकालीको बहाब नेपालतिर फर्काउन लागेकाले बर्खामा संकट आउनसक्ने बताएका छन् । आइतबार प्रतिनिधि सभा बैठकमा बोल्दै उनले यस्तो बताएका हुन् ।

‘महाकालीको बहाब भारतले नेपालतिर फर्काउँदै छ । तटबन्ध बनाउँदैछ’ उनले भने , ‘यसबारे सरकार किन मौन छ ?’ नेपाली भूमि लिपुलेकमा भारतले सडक बनाउँदै गर्दा पनि नेपाल नबोलेकोप्रति उनले प्रशन गरे ।

---

‘भारतले नेपालको सिमानामा गरिरहेको थिचोमिचो तत्काल बन्द गराउन जरुरी छ’ उनले भने , ‘यसबारे सदनमा सरकारले जानकारी गराउनुपर्छ ।’