गठबन्धनको सहमतिविपरीत कांग्रेस काठमाडौँ महानगर समितिले गर्‍यो उपमेयर सिफारिस

काठमाडौँ- सत्ता गठबन्धन दलविरुद्ध नेपाली कांग्रेस काठमाडौँ महानगर समितिले उपमेयरमा दुई जनाको नाम सिफरिस गरेको छ । सत्ता गठबन्धन दलले काठमाडौँ महानगरमा कांग्रेसलाई मेयर दिने निर्णय गरिसकेको छ । उपमेयर भने नेकपा एकीकृत समाजवादीले पाउने सहमति छ ।

समितिले उपप्रमुखमा सुशिला ढकाल र डा.अमिता प्रधान शाक्यको नाम सिफारिस गरेको हो । महानगर समितिको गत ४ गतेको बैठकले नगर प्रमुख र उपप्रमुखको पदका लागि महानगर समितिले दुवै पदमा आफ्नो उम्मेदवार उठाउने निर्णय गरेको हो ।

---

गठबन्धनको बैठकले उपमेयरका लागि अन्य दललाई निर्णय गरेको भए पनि पार्टीबाट सर्कुलेसन नआएकाले उपमेयरको नाम सिफारिस गरिएको समितिका एक सदस्यले इकागजलाई बताए ।

महानगर समितिले नीलकाजी शाक्य, श्रृजना सिंह, हरीप्रभा खड्गी श्रेष्‍ठ, सुशन वैद्य र प्रगतिमान रंजितको नाम सिफारिस गरेको हो ।