झापाको भद्रपुरमा मेयर र उपमेयर दुवैमा एमाले पछाडि

काठमाडौं– झापाको भद्रपुर नगरपालिकामा मेयरमा कांग्रेस, उपमेयरम माओवादीका उम्मेदवारले अग्रता कायम गरेका छन् । एमाले भने दुवै पदमा पछाडि परेको छ ।  मेयर पदमा कांग्रेसका गणेश पोखरेलले ३ हजार ७ सय २६ मत ल्याएर पहिलो स्थानमा छन् । दोस्रोमा रहेका एमालेका असारु राजवंशीले २ हजार ९ सय २१ मत ल्याएका छन् । राप्रपाका नगराज पनेरुले पनि २ हजार ५ सय ८९ मत ल्याएर तेस्रो स्थानमा छन् । 

उपमेयर पदमा भने माओवादीका उम्मेदवार शिवकुमार राजभण्डारी ३ हजार ३ सय ५७ मत ल्याएर पहिलो स्थानमा छन् । दोस्रोमा स्थानमा रहेकी राप्रपाकी राधा कार्कीले २ हजार ८ सय ६० मत ल्याएकी छिन् ।  एमालेकी कौशल्या अधिकारीले २ हजार ७ सय २९ मत ल्याएकी छिन् ।
 

---