विराटनगर-३ मा एमालेका बस्नेतको प्यानलै विजयी

विराटनगर- विराटनगर महानगरपालिका-३ मा नेकपा एमालेका बासुबहादुर बस्नेत प्यानलै वडाध्यक्षमा निर्वाचित भएका छन् ।

मुख्य निर्वाचन अधिकृतको कार्यालय विराटनगरले घोषणा गरेको मतगणनाको अन्तिम परिणाम अनुसार बस्नेतले कांग्रेसका कमल कुमार पुडासैनीलाई ४४५ मतान्तरले पराजित गर्दै वडाध्यक्षमा प्यानलै निर्वाचित भएका हुन् ।

---

बस्नेतले २ हजार ३८३ मत प्राप्त गरे । कांग्रेसका पराजित पुडासैनीले १ हजार ९३८ मत ल्याएका हुन् । वडा नं. ३ को वडा सदस्यमा एमालेका ढुंडिराज पोखरेलले २ हजार ३२६ र सुरज न्यौपानेले २ हजार ३०२, महिला सदस्यमा मालिका निरौलाले २ हजार ४६४ र दलित महिला सदस्यमा अरुणा परियालले २ हजार ४७५ मत प्राप्त गर्दै विजयी भएका छन् ।