प्रदेश-१ मा थपिए ३१५ कोभिड संक्रमित

बिराटनगर : प्रदेश १ मा मंगलबार ३ सय १५ जना कोरोना संक्रमित थपिएका छन् । मोरङमा १ सय, झापामा ८३, सुनसरीमा ७९, उदयपुरमा १४, धनकुटामा १३, भोजपुरमा तीन, ओखलढुङ्गा, संखुवासभा, तेह्रथुम र खोटाङमा दुई/दुई, इलाम र पाँचथरमा एक/एक र प्रदेश १ बाहिरका १३ जना संक्रमित थपिएको प्रदेशको सामाजिक विकास मन्त्रालयले जनाएको छ । 

प्रदेश राजधानी विराटनगरमा ६३, उर्लाबारीमा १२, बेलबारी र मिक्लाजुङमा पाँच/पाँच, लेटाङमा चार, सुन्दरहरैँचामा तीन, पथरीशनिश्चरे, कटहरी र कानेपोखरीमा दुई/दुई, ग्रामथान र बुढीगंगामा एक/एक जनामा संक्रमण देखिएको छ । 

---

सुनसरीको इटहरीमा ३३, धरानमा ३१, इनरुवामा छ, रामधुनीमा तीन,  बराहक्षेत्रमा दुई, देवानगञ्ज र हरिनगर एक/एक र स्थानीय तह नखुलेका दुई, उदयपुरको त्रियुगामा ११, स्थानीय तह नखुलेका तीन, धनकुटाको धनकुटा नगरपालिकामा नौ र महालक्ष्मीमा चार, भोजपुरको हतुवागढी, रामप्रसाद राई गाउँपालिका र स्थानीय तह नखुलेका एक/एक, ओखलढुङ्गाको मानेभन्ज्याङ र मोलुङमा १/१, संखुवासभाको मकालु र खाँदबारीमा १/१, तेह्रथुमको म्याङलुङमा २, खोटाङको हलेसी तुवाचुङ र खोटेहाङमा एक/एक, इलामको माईनगरपालिका, पाँचथरको फिदिममा एक/एक र प्रदेश १ बाहिरका १३ जनामा संक्रमण देखिएको मन्त्रालयले जनाएको छ । प्रदेश १ मा कोरोना संक्रमितको संख्या २२ हजार ५ सय १३ पुगेको छ ।

झापाको दमकमा २७, विर्तामोडमा १४, भद्रपुरमा १०, कमल गाउँपालिकामा छ, शिवसताक्षीमा पाँच, गौरीगञ्‍जमा चार, गौरादह र अर्जुनधारामा तीन/तीन, कनकाई, हल्दिबारी र मेचीनगरमा दुई/दुई, बुध्दशान्ति र बाह्रदशीमा एक/एक र स्थानीय तह नखुलेका तीन जनामा संक्रमण देखिएको छ ।

प्रदेश १ मा मंगलबार ५ सय १६ जना डिस्चार्ज भएका छन् । होमआइसोलेसनबाट ५ सय १०, बीपी कोइराला स्वास्थ्य विज्ञान प्रतिष्ठान धरानबाट ४ र मेची अस्पतालबाट २ जना डिस्चार्ज भएका हुन् । हालसम्म प्रदेशमा डिस्चार्ज हुनेको संख्या १५ हजार ३१५ पुगेको सामाजिक विकास मन्त्रालयले जनाएको छ ।