धनकुटामा पनि मतगणना सुरु

विराटनगर- प्रदेश १ को धनकुटामा मतगणना सुरु भइसकेको छ । अपरान्ह ४ बजेबाट मतगणना सुरु भएको जनाइएको छ । धनकुटा बजारको धनकुटा सामुदायिक भवनमा प्रतिनिधि सभा र प्रदेश सभाको प्रत्यक्षतर्फको मतगणना भइरहेको निर्वाचन अधिकृतको कार्यालयले जनाएको छ ।

प्रदेशसभातर्फ क्षेत्र नं. (१) को चौविसे गाउँपालिकाको मतदान केन्द्रको मतगणना भइरहेको छ । त्यस्तै प्रदेशसभा क्षेत्र (२) तर्फ महालक्ष्मी नगरपालिकाको मतदान केन्द्रको मतगणना सुरु गरिएको जनाएको छ ।

---

धनकुटामा करिब ५९ प्रतिशत मत खसेको निर्वाचन अधिकृतको कार्यालयले जनाएको छ । गत स्थानीय तह निर्वाचनमा ६६ मत मत खसेको थियो ।