बलात्कारको आरोपमा ओखलढुंगामा ६० वर्षीय वृद्ध पक्राउ

ओखलढुङ्गा- जबरजस्ती करणी गरेको आरोपमा प्रहरीले ६० वर्षीय वृद्धलाई पक्राउ गरेको छ ।

जबरजस्ती करणी गरेको आरोपमा मानेभन्ज्याङ गाउँपालिका–२ का ६० वर्षीया गोपाल कटुवाललाई प्रहरीले पक्राउ गरेको हो । 

---

जिल्ला प्रहरी कार्यालय ओखलढुङ्गाका प्रहरी निरिक्षक देवेन्द्र दासका अनुसार एक २४ वर्षीया युवतीलाई बलात्कार गरेको आरोपमा उनलाई पक्राउ गरेको हो । बलात्कृत भनिएको युवतीको उजुरीको आधारमा कटुवाललाई पक्राउ परेका हुन् ।  

पक्राउ परेका कटुवालमाथि सोधपुछ जारी रहेको र उक्त घटनाका विषयमा थप अनुसन्धान गर्नु परेको भन्दै अदालतको म्याद थप गरेर उनलाई हिरासतमा राखिएको छ ।