कोशी प्रदेशको मुख्यमन्त्रीमा उद्धव थापाको दाबी पेस

विराटनगर- गठबन्धनले कोशी प्रदेशको मुख्यमन्त्रीका रूपमा नेपाली कांग्रेस संसदीय दलका नेता उद्धव थापाले दाबी पेस गरेका छन् ।​ कांग्रेस कोशी प्रदेशका संसदीय दलका नेता थापाले आज  (मंगलबार) प्रदेश प्रमुख परशुराम खापुङसमक्ष मुख्यमन्त्रीमा दाबी पेस गरेका हुन् ।

थापालाई मुख्यमन्त्री बनाउन कांग्रेसका २९, नेकपा (माओवादी केन्द्र)का १३, नेकपा (एकीकृत समाजवादी)का ४ र जसपाका १ सांसदको समर्थन छ । थापालाई मुख्यमन्त्री नियुक्त गर्नका लागि आजै सभामुख बाबराम गौतमले राजीनामा दिएर हस्ताक्षर गरेका थिए ।

---

यसअघि मुख्यमन्त्री नियुक्त भएका थापाकाे पद सर्वाेच्च अदालतले खारेज गरिदिएकाे थियाे ।