मुख्यमन्त्री कार्कीले गरे ८७ वटा धाराको उद्घाटन

झापा - कोशी प्रदेशका मुख्यमन्त्री हिक्मतकुमार कार्कीले आज एक समारोहबीच धार्मिक तथा पर्यटकीयस्थल शताक्षीधाममा नवनिर्मित ‘शताक्षी धारा’ (८७ वटा धारा) को उद्घाटन गरेका छन् ।

सय वटा आँखा भएकी शताक्षी देवीको मन्दिर भएको झापाको शिवसताक्षी नगरपालिकामा दाताहरुले धारा निर्माण गरेका हुन् । मुख्यमन्त्री कार्कीले शताक्षी धाराको जलअभिषेक गर्नुको साथै शताक्षीधामस्थित दिगम्बेश्वर महादेव र शाकम्बरी देवीको मन्दिरमा पूजाअर्चना गरेका छन् ।

---

उनले धाममा निर्माण हुने अतिथि गृहको पनि शिलान्यास गरे । शिवशताक्षी नगरपालिका, कोशी प्रदेश र दाताहरुको सहयोगमा अतिथि गृह निर्माण गरिने भएको छ । तीन तला र ५१ कोठा रहने अतिथि गृह निर्माणका लागि गोलोक गोवर्द्धन गौशालाका संरक्षक आचार्य नन्दकिशोरजी महाराजले रु १० लाख सहयोगको घोषणा गरेका छन् ।