होमियोप्याथिक मेडिकल काउन्सिल बनाउने कार्य संघीय सरकारको हो - मुख्यमन्त्री कार्की

काठमाडौँ  - कोशी प्रदेशका मुख्यमन्त्री हिक्मत कुमार कार्कीले होमियोप्याथिक मेडिकल काउन्सिल बनाउने कार्य संघीय सरकारको कार्य क्षेत्रमा पर्ने भएकाले काउन्सिल बनाउन आफूले सहयोग गर्ने बताएका छन् । 

विराटनगरमा आयोजना गरिएको दुई दिने नेपाल भारत– होमियोप्याथिक वैज्ञानिक स्वास्थ्य शिखर सम्मेलनको उद्घाटन गर्दै मुख्यमन्त्री कार्कीले होमियोप्याथिक चिकित्सा पद्धति प्रति जनताको विश्वास र भरोसा भएकै कारण प्रदेश सरकारले विभिन्न अस्पताल र स्वास्थ्य चौकीहरूमा होमियोपैथीका चिकित्सकहरुको दरबन्दी राखेको समेत बताए । उनले   प्रदेश सरकारले होमियोप्याथिक चिकित्सालाई महत्वमा राखेर सहयोग गर्ने धारणा राखे।  

---

नेपाल होमियोप्याथिक चिकित्सक संघले आयोजना गरेको सो दुई दिने सम्मेलनमा सहभागी चिकित्सकहरूले नेपालमा होमियोप्याथिक कलेजको आवश्यकता रहेकाले कोशी प्रदेश सरकारले पहल गर्नुपर्ने माग गरेका थिए । दुई दिने स्वास्थ्य शिखर सम्मेलनमा नेपाल र भारतका होमियोपैथी चिकित्सकहरूले होमियोप्याथिक क्षेत्रमा भएको विकास र सम्भावना, रोगको उपचार पद्धति, नयाँ नयाँ औषधी विकास लगायतका विषयमा छलफल गरिने बताइएको छ ।