मुख्यमन्त्री भीम आचार्यले आज विश्वासको मत लिँदै

काठमाडौँ - प्रदेश १ का मुख्यमन्‍त्री भीम आचार्यले आज प्रदेश सभामा विश्‍वासको मत लिँदैछन् । आज बस्ने प्रदेश सभा बैठकमा मुख्यमन्त्री आचार्यले पेस गरेको विश्वासको मतसम्बन्धी प्रस्तावमाथि छलफलपछि आजै मत विभाजन गर्ने कार्यसूची छ । प्रदेश १ सभाको बैठक साढे १२ बजे बस्‍दैछ । 

मुख्यमन्त्री आचार्यले कात्तिक ७ गते विश्वासको मत लिने तयारी गरेका थिए । तर कांग्रेसभित्रको किचलो र नेकपा एमालेको आग्रहका कारण बैठक आजसम्मका लागि सारिएको थियो ।

---

आज बस्‍ने बैठकमा विश्‍वासको मत लिन कस्‍सिएका मुख्‍मन्‍त्री आचार्यले विश्‍वासको मत नपाउने भने लगभग निश्‍चितजस्‍तै छ । ९२ सदस्‍यीय प्रदेशसभा विश्वासको मत पाउन ४७ जनाको समर्थन आवश्यक पर्छ । तर, एमालेसँग ४१ सा‌सद मात्रै छन् । प्रतिपक्षी गठबन्धनमा ५० जना सांसद छन् । विपक्षी गठबन्धनले मुख्यमन्त्रीको विपक्षमा मतदान गर्ने निर्णय गरिसकेको छ । 

आचार्यले विश्‍वासको मत नपाउने लगभग निश्‍चित भएपछि विपक्षी गठबन्धनले नेकपा एकीकृत समाजवादीका नेता राजेन्द्र राईलाई मुख्यमन्त्रीको रूपमा अघि सार्ने तयारी गरेको छ । 

प्रदेश १ मा ९२ सांसद सासद छन् ।  एमालेसँग सभामुखसहित ४१ सांसद छन् । कांग्रेसका २१,  माओवादी केन्द्रका १५, नेकपा (एकीकृत समाजवादी) का १०, जनता समाजवादीका ३ जना र संयुक्त लोकतान्त्रिक राष्ट्रिय मञ्चका एक सांसद छन् । एक सिट रहेकाे राप्रपा मौन छ ।