टिपरको ठक्करबाट दुई जनाको मृत्यु

झापा : टिपरको ठक्करबाट झापाको दमकमा दुई जनाको मृत्यु भएको छ । पूर्वपश्चिम राजमार्गको दमक-४ को चियाबगानस्थित सडकखण्डमा साँझ साढे ५ बजे पश्चिमबाट पूर्वतर्फ आउँदै गरेको प्रदेश-१-०२-००१क १०८२ नम्बरको टिपरले विपरीत दिशाबाट जाँदै गरेको प्रदेश-०२-०४४ प ८१३३ नम्बरको मोटरसाइकललाई ठक्कर दिँदा घाइते भएका मोरङ रतुवामाई नगरपालिका-८ बस्ने २३ वर्षीय नीरन बस्नेतको मृत्यु भएको हो । 

बस्नेतको साँझ नै विर्तामोडस्थित बिएण्डसी अस्पतालमा उपचारका क्रममा मृत्यु भएको प्रहरीले जनाएको छ । यसअघि सोही मोटरसाइकलमा पछाडि बसेका मोरङ रतुवामाई नगरपालिका-८ बस्ने २४ वर्षीय अनिष कोइरालाको उपचार गर्न लैजाने क्रममा मृत्यु भएको थियो । दुर्घटनामा टिपर चालक दमक-४ बस्ने ४९ वर्षीय प्रकाश तामाङलाई अनुसन्धानका लागि इलाका प्रहरी कार्यालय दमकले नियन्त्रणमा लिएको छ । रासस

---